Un ano máis, estamos a realizar a imaxe para a Feira Galega das Artes Escénicas, organizada por Agadic e que se celebrará este outono en Santiago de Compostela. Nesta ocasión, escollemos unha figura que combina referencias mitolóxicas con outras máis propias do mundo do espectáculo, buscando representar o impulso que a feira supón para a creación escénica profesional.

Cabeceira para o programa “Ao fío do retrato”, un documental para a TVG que desenvolverá en cada capítulo a historia dunha personaxe, “Ao fío do retrato” realizado polo fotógrafo Anxo Cabada, conversará e coñeceremos a diversas personaxes da vida social e cultural de Galicia. Para a realización da cabeceira utilizóuse foto fixa que vai desenvolvendo a gráfica ou convertindo o nobelo en texto.

O Premio Auditorio de Galicia para Novos Artistas, que este ano celebrou a súa sexta edición, é xa un referente para os creadores emerxentes galegos. Para o catálogo desta edición propúxose un novo formato: un DVD multimedia que inclúe toda a información das pezas e artistas seleccionados, así como unha visita virtual á exposición a través da súa gravación en vídeo. O catálogo recolle tamén o rexistro das instalacións específicas, textos explicativos dos autores sobre a súa obra, traxectorias e outras creacións anteriores.