O Premio Auditorio de Galicia para Novos Artistas, que este ano celebrou a súa sexta edición, é xa un referente para os creadores emerxentes galegos. Para o catálogo desta edición propúxose un novo formato: un DVD multimedia que inclúe toda a información das pezas e artistas seleccionados, así como unha visita virtual á exposición a través da súa gravación en vídeo. O catálogo recolle tamén o rexistro das instalacións específicas, textos explicativos dos autores sobre a súa obra, traxectorias e outras creacións anteriores.

Chega novembro, e con el Cineuropa ás rúas de Santiago.  É o festival de Cine que máis xente move en toda Galicia, unha cita ineludible no panorama cultural Compostelano.

Ao igual que o ano pasado, encargáronnos o deseño e elaboración da imaxe do festival.  No apartado audiovisual fixemos o vídeo presentación desta edición de Cineuropa de 5 minutos de duración, o cal se proxectou na gala de inauguración, e ademáis fixemos un anuncio de 1 min para televisións e as cortinillas de antes de cada proxección.

Recentemente a Consellería de Cultura e Turismo, a través do AGADIC, encargounos a realización da imaxe da Feira Galega das Artes Escénicas deste ano 2009.

A parte gráfica do estudio esta traballando na elaboración dos carteis, programa e diverso material promocional, mentres que na parte audiovisual estamos preparando as primeiras imaxes do vídeo promocional da Feira.

Podedes ver un adianto da imaxe deste ano e ademais atopar información sobre todo o relativo á Feira na web Oficial

A principios de xullo fumos grabar á Rosa dos Ventos, nas inmediacións da Torre de Hércules, o espectáculo de danza  "La 8" a cargo do Centro Coreográfico Galego (CCG).

Fixemos a posprodución da peza tanto en imaxe coma en son con dous produtos finais: unha promo de cinco (5) minutos e por outra banda o espectáculo enteiro de vinte (20) minutos de duración.